Termiz davlat universiteti Axborot texnologiyalari fakultetida Xotin-qizlar kengashi tashabbusi bilan 11-fevral "Ilm-fan sohasidagi ayollar va qizlar xalqaro kuni"ga bag'ishlab "Jamiyatda ilm-fan, texnologiyalar va innovatsiyalarning barqaror rivojlanishida Xotin-qizlarning roli" mavzusida viloyat forumi bo'lib o'tdi.
Tabdirni ochib bergan viloyat hokimi o'rinbosari, Oila va xotin-qizlar boshqarmasi boshlig'i Z.Xidirova haftalik davomida viloyatda olima ayollar va ilmiy izlanishlarni olib borayotgan tadqiqotchi xotin-qizlar, davlat mukofoti hamda nomdor stipendiyalar sovrindorlari boʻlgan iqtidorli talaba qizlar ishtirokida taʼlim muassasalari va mahallalarda ilmiy-amaliy va maʼnaviy-maʼrifiy tadbirlar, koʻrik-tanlovlar va ilm-fanga boʻlgan qiziqishlarini oshirishga qaratilgan tadbirlarda faol ishtiroki uchun minnatdorchilik bildirdi.
Shuningdek, forumda har qanday davlat va jamiyat taraqqiyoti bir qator omillar asosida yuz berishi, bu jarayonda ayollar, ularning ijtimoiy-siyosiy munosabatlardagi ishtiroki, huquq va erkinliklari amalda ta’minlanganligi masalasi – davlatlar rivojining hamda demokratiyaning muhim indeksi sanalishi ta'kidlandi.
Hafta davomida tadbirlarda faol ishtirok etgan xotin-qizlar tadbir yakunida tashakkurnomalar bilan taqdirlandi.
Bizni kuzatishda davom eting!
