So‘nggi yillarda respublikamizda iqtidorli yoshlarni nufuzli milliy hamda xalqaro olimpiada, musobaqalar va tanlovlarda salmoqli natijalarga erishishlari uchun zarur shart-sharoitlar yaratilmoqda.
Termiz davlat universitetida ham iqtidorli yoshlarning ijodiy qobiliyatlarini ro‘yobga chiqarishga ko‘maklashish, qo‘llab quvvatlash va rag‘batlantirilish bo‘yicha bir qator ishlar amalga oshirilmoqda.
Bugun universitetda 2022-2023 o‘quv yilida respublika va xalqaro tanlovlarda qatnashib, yuqori o‘rinlarni qo‘lga kiritgan talabalrni taqdirlash marosimi bo‘lib o‘tdi.
Tadbirda 2022-2023-o‘quv yili uchun O‘zbekiston Respublikasi Prezidenti va nomli Davlat stipendiyalari g‘oliblari, "Shukur Xolmirzayev" stipendiyasi sohiblari, "Yil talabasi-2022" tanlovi g'olib va sovrindorlari, 2023-yil 30-yanvar kuni Yashnabod innovasion texnoparkining "Biznes inkubator" dasturi yakunlari bo‘yicha o‘tkkazilgan tanlov g‘oliblari bo'lgan jami 100 nafarga yaqin talabalari taqdirlanishdi.
Iqtidorli yoshlarimizni qo'llab-quvvatlash uchun tashkillashtirilayotgan ushbu tadbirlar ularning ilmiy-ma'rifiy sohalardagi faoliyatlarini oshirishga xizmat qilib, kelajakda yanada yuqori marralarni egallashga undaydi.
