Yig'ilishda dastlab Oliy taʼlim, fan va innovatsiyalar vazirligi tomonidan belgilangan davlat oliy taʼlim muassasalarining faoliyat samaradorligini baholash, tahlil qilish va oshirish chora-tadbirlari hamda ustuvor vazifalar haqida to'xtalib o'tildi.
Shundan so'ng ichki tartib-intizom, odob-axloq normalariga qat’iy rioya etish, murojaatlar bilan ishlash bo‘yicha yangi tizimni tashkil qilish, ta’lim sifati, ilmiy-innovatsion faoliyat va milliy reyting samaradorligini oshirish, iqtidorli, o‘zlashtirishi past talabalar bilan yangicha ishlash tizimini yaratish, «Talabalar va vazirning ochiq muloqoti» uchrashuvini yuqori saviyada tashkil qilish masalalari ko'rib chiqildi.
Shuningdek, professional ta’lim tashkilotlarini metodik va ilmiy jihatdan qo‘llab-quvvatlash maqsadida ularga professor-o‘qituvchilar va doktorantlarni biriktirish, talabalar turar-joylarini tashkil etish bo‘yicha amalga oshirilayotgan ishlar holati, xalqaro grantlar hamda kuz-qish mavsumiga tayyorgarlikni hozirdan boshlash to‘g‘risidagi masalalar ham atroflicha muhokama etilib, tegishli vazifalar belgilab olindi.
