Giyohvandlik bu jamiyatni yemiruvchi eng yomon illatlardan biri. Unga qarshi kurashish bugungi kunning eng muhim vazifasi.
Termiz davlat universitetida Ijtimoiy fanlar fakulteti faollar zalida "Yoshlar orasida giyohvandlikka qarshi kurashamiz" mavzusida davra suhbati tashkil etildi.
Unda O'zbekiston Respublikasi IIV jinoyat qidiruv xizmati xodimi, podpolkovnik F.Azgarov, Surxondaryo viloyati IIB xodimi podpolkovnik J.Karimov, Viloyat narkologiya markazi narkolog shifokori M.G'aniyeva, O'zbekiston musulmonlar idorasi Surxondaryo viloyati filiali o'rinbosari F.Choriyev, Viloyat DXX xodimlari va Termiz davlat universiteti dekan o'rinbosarlari tyutorlar hamda talaba-yoshlar ishtirok etdi.
Uchrashuv davomida giyohvandlikning salbiy oqibatlari, uning girdobiga tushib qolganlarning hayot tarzi yomon ekanligi ta'kidlandi va ishtirokchilar uchun videorolik namoyish etildi.
