2023-yil 26-yanvar kuni Termiz davlat universitetiga Yevropa Ittifoqining O‘zbekistondagi elchisi Sharlotta Adrean va ittifoqning hamkorlik bo'limi boshlig'i Wim Riepma boshchiligidagi deligatsiya tashrif buyurdi.
Ushbu uchrashuvda Termiz davlat universitetidan O‘quv ishlari bo‘yicha prorektor Rasul To‘rayev, Xalqaro hamkorlik bo‘yicha prorektor Mohirux Xoshimxo‘jayeva, Yoshlar bilan ishlash va ma'naviy-ma'rifiy ishlar bo'yicha prorektor Obid Shofiyev, Xorijiy filologiya fakulteti dekani Abdulla Xudoyqulov hamda Xalaqaro hamkolik bo'limi boshlig'i Umidjon Eshmuratov boshchilik qildilar. Shuningdek uchrashuvda TerDU Erasmus guruhi a’zolari ham ishtirok etishdi.
Uchrashuvda Termiz davlat universitetida olib borilayotgan Erasmus+ dasturi doirasidagi loyihalarning hisobotlari hamda jarayonlari hozirgi kundagi global muammolarning yechimlari haqida muhokamalar bo‘lib o‘tdi. Unda Xalqaro hamkorlik bo‘yicha prorektor Mohirux Xoshimxo‘jayeva loyihalarni prezentatsiya qilar ekan, universitetning kelgusi loyihalari rivoji haqida ham to‘xtalib o‘tdi.