Termiz davlat universiteti Xorijiy filologiya fakulteti 4-bosqich talabasi Jumayev Furqat va 3-bosqich talabasi Eshniyozova Gulnoza Yevropa Ittifoqining ERASMUS + dasturi bo'yicha grant sohibi bo'ldi. Endilikda talabalarimiz 4 oy davomida (01.04.2023-31.07.2023) akademik almashunivni dunyo reytingida kuchli 300 talikka kiruvchi Germaniyaning "Westfälische Wilhelms-Universität Münster" universitetida davom ettiradi.
Erasmus+ Yevropa Ittifoqining ta'lim, o'qitish, yoshlar va sport sohalarida loyihalar, hamkorlik, tadbirlar va mobillikni qo'llab-quvvatlash dasturidir. Hozirgacha Yevropa Ittifoqining O'zbekistonda oliy ta'limni modernizatsiya qilishni qo'llab-quvvatlashda asosiy vositalari bo'lib kelayotgan Tempus va Erasmus Mundusni birlashtirgan dasturlarning o'rnini bosadi.
Termiz davlat universiteti Matbuot xizmati
