Bugun bir vaqtning o‘zida respublikamizning 14 ta oliy taʼlim muassasasida tashkil etilgan “Yashil makon” umummilliy loyihasi doirasida ko‘chat ekish marafoni Termiz davlat universitetida ham yuqori saviyada tashkil etildi.
Prezidentimiz tashabbusi bilan boshlangan “Yashil makon” umummilliy loyihasi doirasida “dolzarb 40 kunlik” daraxt ekish aksiyasida Termiz davlat universiteti va Surxondaryo viloyati Ekologiya va atrof-muhitni muhofaza qilish boshqarmasi bilan hamkorlikda oliygoh hududida kuzgi ko‘chat ekish ishlari tashkil etildi.
Unda universitet rahbariyati va professor-o‘qituvchilari tomonidan 500 dan ziyod daraxt ko‘chatlari ekildi.