Kuz-qish mavsumida is gazidan zaharlanishini oldini olish hamda ularni kelib chiqish sabablari haqida talab-yoshlarga ma’lumot berish maqsadida Termiz davlat universitetida tadbir tashkil etildi.
Unda fuqarolar tomonidan gaz va muqobil yoqilg‘i (ko‘mir, o‘tin va boshqa) turlaridan foydalanishda xavfsizlik qoidalariga rioya etmaslik, nostandart (qo‘lbola yasalgan) yoki sertifikatga ega bo‘lmagan isitish pechlari va anjomlaridan foydalanish, isitish pechlarining dudbo‘ronlarini noto‘g‘ri o‘rnatish, havoni almashtiruvchi shamollatish shaxtalari yoki tuynuklarni berkitib (to‘sib) qo‘yish kabi holatlar sabab bo’lishi haqida aytib o‘tishdi va xavfsizlik chora tadbirlarini amaliyotda ko‘rsatishdi.
