Texnologik ta’lim kafedrasi

Texnologik ta’lim kafedrasi 2017 yil tashkil topgan. Kafedra shu davrda 20 nafar professor-o‘qituvchi bilan ish boshlagan bo‘lib, ulardan 10 nafar fan nomzodi, 7 nafar dotsent edi. Kafedrani pedagogika fanlari doktori v.b.pofessor M.X.Shomirzayev boshqarib kelmoqda. Qisqa muddatda kafedra malakali kadrlar bilan ta’minlanib, professor-o‘qituvchilarning soni va sifati oshirilgan.

Hozirda kafedrada 2 nafar fan doktori professor, 1 nafar dotsent, 2 nafar falsafa doktori (PhD) darajasiga ega bo‘lgan o‘qituvchi, 2 nafar katta o‘qituvchi va 5 nafar o‘qituvchi– jami 12 nafar professor-o‘qituvchi asosiy shtatda faoliyat ko‘rsatib, tashqi o‘rindoshda 1 nafar fan doktori professor, 2 nafar fan nomzodi, dotsent, va 1 nafar katta o‘qituvchi, ichki o‘rindoshda 4 nafar o‘qituvchi faoliyat ko‘rsatib kelmoqda.

soatboy asosida ishlovchi 4 nafar fan nomzodi, dotsent. ilmiy darajaga ega bo‘lgan o‘qituvchi ta’lim-tarbiya ishlariga jalb qilingan.

Kafedra o‘qituvchilari

Kafedrada o‘qitiladigan yo‘nalishlar:

Bakalavriat:

5112100-Texnologik ta’lim

Magistratura

5A112101-Ta’lim va tarbiya nazariyasi va metodikasi (Texnologik ta’lim)

Kafedrada o‘qitiladigan fanlar:

Bakalavriat:

Texnologiya va dizayn: Mahsulot tayyorlash texnologiyasi

Texnologiya ta’limi praktikumi

Texnik ijodkorlik va konstruktsiyalash

Texnik mexanika

Texnologiya ta’limi metodikasi

Texnologik jixozlar: a)Materiallarni qirquvchi dastgohlar b)Tikuvchilik va pazandachilik jixozlari

Texnik ijodkorlik va konstruktsiyalash: a)Texnik konstruktsiyalash va modellashtirish b)Tikuvchilik buyumlarini konstruktsiyalash va modellashtirish

t.f.Ta’lim muassasalarida metod birlashmalar faoliyati

Xalq hunarmandchiligi va badiiy loyihalash: a)Texnologiya va dizayn; b)Servis xizmati

Kasb-hunarga yo‘naltirish

Mexanizatsiyalashtirish, avtomatlashtirish va robototexnika asoslari Texnologiya va dizayn

Texnik ijodkorlik va dizayn

Servis xizmati

Qishloq xo‘jaligi ishlarini tashkil etish texnologiyasi

Metrologiya, standartlashtirish va sertifikatsiyalash

Texnologiya fanini o‘qitishda innovatsion pedagogik texnologiyalar

t.f.Kasbiy kompitentlik

Gidroavtomatika

Gidravlika va issiqli texnikasi

Magistratura

Stem va smart ta’lim texnologiyasi

Texnologik ta’lim prognostikasi

Kasbga yo‘naltirish diagnostikasi

Texnologik ta’lim kafedrasi qoshida 5112100 – Texnologik ta’lim yo‘nalishi bo‘yicha bakalavriatura hamda 5A112101-Ta’lim va tarbiya nazariyasi va metodikasi (Texnologik ta’lim) yo‘nalishi bo‘yicha magistratura mavjud.

Shuningdek, kafedrada kompyuter va multimediya xizmatidan foydalanish uchun barcha sharoitlar muhayyo qilib qo‘yilgan.

Bundan tashqari “Chevar hunarmand qizlar” va “ Chilangarlik” ijodiy to‘garaklari faoliyat ko‘rsatadi.

Shomirzayev Maxmatmurod Xurramovich 2021 yil 25 iyun kuni “Maktab texnologiya ta’limida milliy hunarmandchilikning spektral-variativ komponentlarini fanlararo takomillashtirish” mavzusida pedagogika fanlari doktori (DSc) ilmiy darajasini olish uchun dissertatsiyani muvaffaqqiyatli himoya qildi.

Bo‘tayarov Abduqodir To‘xtayevich 2021 yil 17 sentyabr kuni “Surxondaryo viloyatining och bo‘z tusli tuproqlari sharoitida g‘o‘zani tomchilatib sug‘orish usulining samaradorligi” mavzusida texnika fanlari bo‘yicha falsafa doktori (PhD) ilmiy darajasini olish uchun dissertatsiyani muvaffaqqiyatli himoya qildi.

Qodirov Bahtiyor Eshmurzayevich 2021 yil 28 avgustda “Elektron axborot ta’lim muhitida o‘quvchilarning hunarmandchilikka oid tayanch kompetentsiyalarini rivojlantirish metodikasi” mavzusida pedagogika fanlari bo‘yicha falsafa doktori (PhD) ilmiy darajasini olish uchun dissertatsiyani muvaffaqqiyatli himoya qildi Barcha o‘qituvchilarning ilmiy ishlar bilan shug‘ullanishlari uchun sharoitlar yaratilgan. Ularga ilmiy safarlarga yuborilmoqda. Bundan tashqari Kafedrada mustaqil tadqiqotchilik asosida 2 nafar professor-o‘qituvchi ilmiy-tadqiqot olib bormoqda. Shundan, katta o‘qituvchi Umirov Abdug‘appor va Mukumova Feruza ilmiy tadqiqotlar olib bormoqdalar.

Kafedrada olib borilayotgan ilmiy-uslubiy ishlar

darslik va o‘quv qo‘llanmalar

Hisobot yilida kafedra professor-o‘qituvchilari tomonidan 2021 yilda Xorijiy jurnallarda maqolalar soni (Scopusdan tashqari) 87 ta, Scopus, Science Direct, Google Scholar, Research Gate bazalardagi ixtibosliklar soni 320 ta maqola, OAK jurnallarida maqola 67 ta maqola, Xalqaro nufuzli konferentsiyalardagi maqola va tezislar soni 207 ta, Respublika konferentsiyalaridagi maqola va tezislar soni 237 ta tezislar chop etildi.

Darslik 3 ta, O‘quv qo‘llanmalar soni 3, Monografiyalar soni 6 ta, chop etildi.

Ilmiy maqolalar

Kafedrada asosan texnologiya fanini o‘qitish, bo‘lajak texnologik ta’lim o‘qituvchlarini tayyorlash, mashg‘ulotlarda innovatsioon pedagogik texnologiyalarni qo‘llashning ilmiy-nazariy asoslari va qishloq xo‘jaligi mashinalari hamda tejamkor sug‘orish texnologiyalarini ishlab chiqish yo‘nalishlarida ilmiy tadqiqot ishlari olib borilmoqda.

“Ta’lim va innovatsion tadqiqotlar” Jurnalining 30 sentyabrdagi 306/6-son Qarori bilan pedagogika bo‘yicha falsafa doktori (PhD) va fan doktori (DSc) ilmiy darajalariga talabgorlarning dissertatsiya ishlari yuzasidan kafedraning 40 ga yaqin maqolalari chop etildi. Ilmiy anjumanlarda o‘z ma’ruzalari bilan ishtirok etishdi.

Kafedra Dunyoning yuqori 1000 taligiga kirgan institut va universitetlar bilan o‘quv va ilmiy ishlar bo‘yicha hamkorlikni yo‘lga qo‘yish, ularni kafedramiz o‘quv va ilmiy jarayoniga jalb etish maqsadida Tomsk davlat universitetidan professor Nikonova Natalya Yegorovna va Tomsk politexnika universitetidan texnika fanlari nomzodi, dotsent Martyushev Nikita Vladimirovichlar taklif etilib, 5112100-Texnologik (mehnat) ta’lim yo‘nalishi va 5A112101-Ta’lim va tarbiya nazariyasi va metodikasi (Texnologik ta’lim) magistrlariga onlayin dars mashg‘ulotlarini olib bormoqdalar va universitet olimlari bilan mustahkam aloqa o‘rnatilgan.

Kafedra professor-o‘qituvchilarining olgan ilmiy natijalari o‘zimizni Respublikada hamda Respublikadan tashqari ta’lim muassasalarida ularning ilmiy tadqiqot ishlarida foydalanilib kelmoqda ayniqsa prof: M.X.Shomirzayevning ilmiy ishlaridan juda ko‘p soha mutaxxassislari o‘z ilmiy tadqiqot ishlarida foydalanib kelishmoqda. prof: M.X.Shomirzayevning ishlariga Scopus tizimidagi jurnallarda 256 marta murojaat qilingan. Ya’ni M.X.Shomirzaevning 256 ta iqtibosi bor.

Kafedradagi barcha fanlar bo‘yicha har o‘quv yilida ma’ruza matnlari, O‘UM yangilanib boriladi. Professor-o‘qituvchilar tomonidan tayyorlangan fanlar bo‘yicha ma’ruza matnlari kafedra yig‘ilishida muhokama qilinib, taqrizchilar belgilanadi, tasdiqlanadi va foydalanish uchun tavsiya qilinadi. Kafedraning har bir professor-o‘qituvchilarida mashg‘ulotga kirishda quyidagi me’yoriy xujjatlar bo‘lishi talab etiladi.

Har bir fan bo‘yicha namunaviy fan dasturi, ishchi o‘quv dasturi, UMK, ma’ruza matni, reyting ishlanmasi, kalendar mavzuli reja, amaliy mashg‘ulotlari hujjatlar mavjud