Kitob — hayot hikmatlarini o‘rgatuvchi javohirlar sandig‘i. U kishida ota-onaga mehr-muhabbat, el-yurtga yaqinlik, Vatanga muhabbatni ong-u shuurga singdiradi.
Yurtimizda ma’naviy-ma’rifiy sohalarni rivojlantirish, yozuvchi va shoirlarimizning asar va she’rlarini tadqiq etish hamda uni keng jamoatchilikka yetkazish, xalqimiz, ayniqsa, yoshlarni bunday nodir asarlardan bahramand etish maqsadida tizimli ishlar amalga oshirilmoqda. Kuni kecha Termiz davlat universiteti O‘zbek filologiyasi fakultetida vohamizning taniqli shoiri Mansur Zoirovning "Qaldirg‘och" va "Yoshlar bayoti" deb nomlanuvchi kitoblari taqdimoti bo‘lib o‘tdi. Taqdimotga fakultet professor o‘qituvchilari, Yozuvchilar uyushmasi viloyat bo‘limi a’zolari va ijodkorlar tashrif buyurishdi.
