Oliy va o‘rta maxsus ta’lim vazirligi, Ichki ishlar vazirligi, O‘FA, O‘zPFL, - Coca-Cola bilan hamkorlikda Oliy ta’lim muassasalari talabalari o‘rtasida “Biz yangi O‘zbekiston yoshlarimiz” shiori ostida mini-futbol bo‘yicha “Coca-Cola Student’s Cup” musobaqasi tashkillashtirmoqda.
Unda yurtimizda faoliyat olib borayotgan 116 ta universitet va institut o‘z jamoasi bilan ishtirok etmoqda.
Bugun Surxondaryo viloyatidagi oliy o'quv yurtlari orasida o'tkazilayotgan "Student's Cup" turniri qizg'in pallaga kirdi. Termiz davlat universiteti talabalaridan tashkil topgan jamoa vakillari Termiz muhandislik va texnologiya instituti talabalaridan tashkil topgan futbol jamoasiga qarshi bahs olib borishdi.
Shiddatli va o'ta murosasiz kechgan bahsda esa Termiz davlat universiteti jamoasi 1-0 hisobida g'alaba qozonishdi. Jamoamizga g'alaba keltirgan yagona gol uchrashuvning 33-daqiqasida Toshqulov Fazliddin tomonidan kiritildi. Ushbu g'alaba orqali universitetimiz jamoasi guruhdagi barcha uchrashuvlarda g'alaba qozongan holda keyingi bosqich yo'llanmasini qo'lga kiritdi.
