Davlatimiz rahbari raisligida 2022 yil 28-yanvarda o‘tkazilgan videoselektor yig‘ilishda ta’lim tizimiga alohida e’tibor qaratilib, ta’lim sifatini yaxshilash maqsadida umumiy o‘rta ta’lim maktablari oliy ta’lim muassasalariga biriktirib berilgan edi.
Mamlakat kelajagi, barcha sohalar va loyihalar muvaffaqiyati bilimli insonlarga bog‘liq. Shu bois oxirgi to‘rt yilda ta’lim sifatini yaxshilash, o‘qituvchilar mavqeini yuksaltirish bo‘yicha ko‘p ishlar qilindi. Endi mamlakatimiz yangi davrga qadam qo‘ymoqda. O‘zbekistonning 2022-2026 yillarga mo‘ljallangan taraqqiyot strategiyasida to‘rtinchi ustuvor yo‘nalish aynan ta’lim sohasini, inson kapitalini rivojlantirishga qaratilgan.
Ushbu topshiriqlar ijrosini ta’minlash maqsadida Termiz davlat universitetida ham “mobil metodik guruh” faoliyati tashkil etilgan bo‘lib, ushbu guruhlar umumiy o‘rta ta’lim maktablari bilan hamkorlikni yo‘lga qo‘yishgan.
Bugun TerDU Rus va qardosh tillar fakulteti professor-o‘qituvchilari Angor tumanidagi 14-maktabda mahorat darslarini tashkil etishdi. Dars samaradorligini oshirish borasida maktab o‘quvchilariga o‘z tavsiyalarini berishdi. “Zakovat” intellektual o‘yini, “Kitob sovg‘a qilaman” aksiyasi o‘tkazildi.
“Mobil metodik guruh” faoliyatining maqsadi – ta’limda sifat va samaradorlikni oshirish hisoblanadi.
