Termiz davlat universiteti O'zbek filologiyasi fakulteti O'zbek adabiyotshunosligi kafedrasi tashabbusi va fakultet tyutorlari hamkorligida kuni kecha 6-talabalar turar joyida talabalarning bo'sh vaqtini mazmunli o'tkazish maqsadida "O'zbegimning balli qizlari" tadbiri tashkil qilindi. Tadbirni Yoshlar masalalari va ma'naviy ma'rifiy ishlar bo'yicha birinchi prorektor Shofiyev Obidjon Baxtiyorovich ochib berdi. Shuningdek, tadbirda universitet xotin-qizlar raisi D.Hamzayeva, O'zbek filologiyasi fakulteti dekani A.Esanov, O'zbek adabiyotshunosligi kafedrasi mudiri N.Yuldashev, kafedra o'qituvchilari, fakultet tyutorlari va 6-TTJ tarbiyachilari hamda talaba qizlar ishtirok etishdi. Tadbirda talabalar ajoyib sahnalar, diltortar raqslar va salatlar tayyorlash mahoratini ko'rsatdilar. Tadbir ko'tarinki ruhda o'tdi. Yakunda faol ishtirokchilar universitet rahbariyati tomonidan tashakkurnomalar bilan taqdirlandilar.
