Bugun Termiz davlat universitetida Yoshlar ittifoqi boshlang‘ich tashkiloti hamda tyutorlar tashabbusi bilan Fizika-matematika fakulteti talabalari o'rtasida "Quvnoqlar va zukkolar" ko'rik-tanlovi bo'lib o'tdi.
Tanlovda 10 nafar ishtirokchidan iborat "New Star" va "Atom" jamoalari o‘zaro bellashishdi. Ishtirokchilar tanishtiruv, biatlon, fizik fokuslar va erkin mavzu shartlarida 5 ballik mezonda baholandi.
Qizg'in va ko'tarinki ruhda o'tgan tanlovda "Atom" jamoasi o'zining tirishqoqligi va zukkoligi bilan g'alaba qozondi. Faol ishtirokchi talabalar diplom va esdalik sovg'alar bilan taqdirlandi.
