O'lkamizda bahor! Shahar-qishloqlarimiz yashil libosga burkangan. Bu yil Navro'z yurtimizga yangicha shukuh va tantana bilan kirib kelmoqda.
Bayramni har yilgi an’anaga muvofiq milliy qadriyat va urf-odatlarimizga hamohang oʻtkazish uchun qoʻrgʻonlar barpo etilib, oʻtovlar oʻrnatilgan. Termiz shahri, tumanlar hokimliklari, yirik korxona va tashkilotlar, oliy taʼlim muassasalarining qoʻrgʻonlari oʻtmish va bugunni aks ettiruvchi turli osori-atiqalar va vohada ishlab chiqarilayotgan mahsulotlar namunalari bilan bezatildi. Xalq amaliy, tasviriy sanʼati namunalari koʻrgazmalari tashkil etildi.
Avval xabar berganimizdek, Termiz davlat universiteti jamoasi bu yilgi “Navroʻz” bayramiga har yilgidanda oʻzgacha tayyorgarlik koʻrishdi. Universitet fakultetlari tomonidan turli xalq va sport oʻyinlari, lapar-u aytishuvlar, ayniqsa, oʻlmas qadriyatlarimizni namoyish etishga keng oʻrin berilgan.
