Surxondaryo viloyati Uzun tumani hokimligi tashabbusi bilan Termiz davlat universiteti hamkorligida ”Hokim kubogi” fan olimpiаdasi bo‘lib o‘tdi.
Unda tumandagi umumta’lim maktablarining 9-10-11-sinf o‘quvchilari matematika, fizika va tarix fanlariga mo‘ljallangan test savollari orqali o‘z bilim va salohiyatlarini sinovdan o‘tkazishdi.
Fan olimpiadasi o‘quvchilarini bo‘sh vaqtini mazmunli o‘tkazish va ilm olishga bo‘lgan qiziqishlarini yanada oshirish maqsadida tashkil etildi.
Musobaqada tuman umumta’lim maktablaridan 600 nafar o‘quvchi yigit-qizlar ishtirok etishdi. Ulardan 27 nafar o‘quvchilar 1-2-3 o‘rinlarni qo‘lga kiritishdi hamda esdalik sovg‘alari, pul mukofotlari bilan taqdirlanishdi.
