Bugun kun davomida Termiz davlat universitetida buyuk shoir, davlat va jamoat arbobi, sarkarda Z.M.Bobur tavalludining 539 yilligi munosabati bilan barcha fakultetlar va Axborot resurs markazida ma’naviy-ma’rifiy tadbirlar tashkil etildi.
Universitet faollar zalida tashkil etilgan tadbirda professor-o‘qituvchilar, talabalar hamda OAVlari vakillari ishtirok etdi. Uni Termiz davlat universiteti yoshlar masalalari va ma’naviy-ma’rifiy ishlar bo‘yicha prorektori O.Shofiev kirish so‘zi bilan ochib berar ekan, Zahiriddin Muhammad Boburning dunyo tamadduniga qo‘shgan ulkan hissasi, uning boy adabiy merosining yosh avlod uchun ulkan xazina ekanligini ta’kidlab o‘tdi.
So‘ng boburshunos olimlar tomonidan shoir hayoti va ijodiy faoliyati haqidagi ma’ruza qilindi, talabalar tomonidan ruboiy, g‘azallar o‘qildi, qo‘shiqlar kuylandi hamda sahna ko‘rinishlari ijro etildi.
