TALABALAR TASHABBUSLARI AMALIY YORDAM BILAN QO’LLAB QUVVATLANMOQDA
Universietda himoya qilinayotgan dssertatsiyalar ham bevosita qashshoqlikka barham berishga qaratilgan. Jumladan mahalliy miqyosda xom-ashyo olish texnologiyasini takomillashtirish yo‘lida bir qator izlanishlar olib borildi.
2021-yil 6-yanvarda Noorganik va analitik kimyo kafedrasi tayanch doktoranti Xurshid Esanberdievich Eshmurodov “Mahalliy xomashyolar asosida tarkibida kremniy bo‘lgan noorganik va organik birikmalar olish texnologiyasini ishlab chiqish” mavzusidagi texnika fanlari bo‘yicha falsafa doktori (PhD) dissertatsiya ishini muddatidan oldin muvaffaqiyatli himoya qildi.
Universitetda qashshoqlikka barham berish va oldini olish bo‘yicha talabalar va mahalliy aholi vakillariga turli kasblarni o‘rgatish muhim o‘rin tutadi.
Universitetda 2019/2020 o‘quv yilida ochilgan Dizayn (milliy kostyum) hamda Yengil sanoat buyumlari konstruksiyasini ishlash texnologiyasi (milliy tikuv buyumlari) bakalavriat ta’lim yo‘nalishi bo‘yicha kadrlar tayyorlash sifatini yaxshilash maqsadida “Dizayn” studiyasi tashkil etilgan. Universitet rektori 2021-yil 8-yanvarda mazkur studiyada bo‘lib, yaratilgan sharoitlar bilan tanishdi. Studiya faoliyatini kengaytirish, ta’lim yo‘nalishi professor-o‘qituvchilari va talabalari uchun qulayliklar yaratish, nazariy bilimlarni ushbu studiyada faoliyat ko‘rsatish orqali amaliy ko‘nikmalarni shakllantirish, kelgusida ishlab chiqarishni yo‘lga qo‘yish bo‘yicha mas’ullarga aniq topshiriqlar berdi.
“Dizayn” studiyasida talabalar tomonidan tayyorlangan mahsulotlarning ko‘rgazmasini muntazam o‘tkazib boriladi va u orqali ushbu yo‘nalishni rivojlantirish bo‘yicha ishlar olib borilmoqda.
2021-yil 25-yanvarda universitet rektori A.Maraximov barcha fakultet sardorlari bilan ochiq muloqot o‘tkazdi. Tanishuv, do‘stona suhbat, universitetda talabalar uchun yaratilgan sharoitlar, sardorlar va ularning vazifalari kabi mavzular uchrashuvning asosiy mavzusi bo‘ldi. A. Maraximov sardorlar guruhning boshi, universitetni faollari bo‘lishi kerakligini alohida ta’kidladi.
Uchrashuv davomida rektor Termiz davlat universitetining "Yoshlar parlamenti" ni tashkil etish taklifini berdi va bu sardorlar tomonidan ma’qullandi. Shuningdek, universitet rahbari tomonidan iqtidorli talabalar uchun maxsus stipendiya va guruh rahbarlari orasida turli tanlovlar tashkil etib, ularni rag‘batlantirish kabi bir qancha takliflar berildi.
Samimiy ruhda o‘tgan muloqot fikr-mulohazalar va savol javoblarga boy bo‘ldi. Eng muhimi mazkur uchrashuv sardor talabalarda iliq taassurot qoldirdi.
2021-yil 1-fevralda Termiz davlat universitetida bitiruvchi yoshlarni ish bilan ta’minlash masalasiga bag‘ishlangan yig‘ilish bo‘lib o‘tdi.
Universitet, viloyat prokuraturasi va viloyat xalq ta’limi boshqarmasi hamkorligidagi mazkur yig‘ilishda o‘qishni tamomlayotgan talabalarga kelgusida ishga joylashishlari uchun amaliy ko‘mak berishga doir fikr-mulohazalar bildirildi. Viloyatdagi 5 ta tumandan 300 nafarga yaqin maktab direktorlari ishtirok etgan tadbirda endilikda maktab direktorlari va ta’lim muassasasalari o‘zlarining tumanlaridagi bitiruvchilarni ish bilan ta’minlashga mas’ul bo‘lishi belgilandi. Yoshlarning bandligini tizimli ravishda ta’minlashga amaliy ko‘mak berish maqsadida tashkil etilgan ushbu uchrashuv mavzuga doir savol-javoblarga boy bo‘ldi.
2021-yilning 25 fevral kuni Termiz Davlat universiteti rektori А.Maraximov boshchiligidagi ishchi guruh tomonidan oilalarda turuvchi talabalarning shart-sharoitlari yashash joylariga borib oʼrganildi.
Talabalarning bo‘sh vaqtlarini to‘g‘ri tashkil etish, mashg‘ulotlarga tayyorgarlik ko‘rish, uniersitetda yaratilgan imkoniyatlardan muntazam foydalanish bo‘yicha amaliy maslahatlar berildi.
O‘zbekiston Respublikasi Prezidentining 2019-yil 8-oktabrdagi “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi PF-5847-son farmonidan kelib chiqib, Termiz davlat unversiteti rektorining buyrug‘iga asosan professor-o‘qituvchilar, yosh olimlar, doktorantlar, magistrantlar va talabalar tomonidan yaratilayotgan ilmiy, innovatsion va startap g‘oyalarni muhokama qilish, loyihalarni tijoratlashtirish bo‘yicha mahoratlarini oshirish maqsadida 2020-yil 6-martdan boshlab universitetda “Talabalarning startap loyihalarini qo‘llab-quvvatlash inkubatsiya markazi” faoliyatini boshladi.
Markaz tashkil etilgach, markaz haqida ma’lumot va innovatsiyalar startaplar bo‘yicha huquqiy-me’yoriy hujjatlar o‘rganilib, 2020-2021-yilga mo‘ljallangan yo‘l xaritasini tuzildi. Markazning asosiy maqsadi universitetda startap, biznes muhit yaratish va talabalarnig o‘z startap loyihalarni amalga oshirishga amaliy nazariy yordam ko‘rsatish hamda O‘zbekiston va jahonda bo‘layotgan startap, ilmiy innovatsion tanlovlarga qatnashish, o‘z loyihalarnini finalga olib chiqishga ko‘maklashishdan iborat.
Markaz faoliyatini avvalo talabalar professor-o‘qituvchilar orasida markaz va startup muhitini yaratish uchun biznes treninglar master klaslar o‘tishdan boshladi va bu o‘zinig amaliy natijasini bera boshladi.
Shu vaqtgacha Markaz universitet professor-o‘qituvchilari va talabalarining 30 dan ortiq ilmiy innovatsion loyihalarni tayyorlashda amaliy yordam berdi va shuningdek universitetning eng quvonarli jihati shundaki, “Biznes Inkubator-2021” tanlovi 2 - mavsumiga 30 nafar Markaz a’zolari o‘z loyihalari bilan qatnashishdi hamda biznes inkubatorning 3 oylik biznes loyihalar o‘quv kursiga o‘qishga yo‘llanmalarni olishdi.
Markaz o‘z faoliyatini rivojlantirish maqsadida turli xil davlat tashkilotlari bilan hamkorlik aloqalarini olib bormoqda. Misol uchun, Surxondaryo viloyatidagi “IT-Park” bilan startap loyihalar va Ilmiy innovatsion loyihalarni uzoq muddatli loyihalarni amalga oshirishga kelishib olindi. Bunda markaz “IT-Park” menejeri J.Xaitov “IT-Park” startap menejeri D.Mahmudov, IT park loyihalar bo‘yicha menejeri A.To’xtayevlar bilan markaz faoliyati bo‘yicha amaliy loyihalarni finalga olib chiqishda kadrlar almashinuviga kelishib olindi. Bundan Tashqari markaz ”IT-Park”, ”Yuksalish liderlar akademiyasi” va ko‘plab nufuzli tashkilotlar bilan kadrlar almashuniva kelishib olingan.
Markaz AKT, Innovatsion rivojlanish vazirligi, Oliy va O‘rta ta`lim vazirligi va ko‘plab vazirliklar bilan amaliy hamkorlik olib borishmoqda. Markaz shu vaqtgacha 8 ta fakultetda 5 ta biznes trening targ`ibot ishlarini olib bordi va talabalar buni illiqlik bilan kutib olishdi. Bundan tashqari markaz a`zolari O`zb Res AKT vazirligi huzurida IT parkga 2 ta rezidentlikga ariza ham topshirishdi.
Shuningdek markaz a`zolariga universitetdagi axborot resurs markazining o‘quv zallari va zamonaviy kompyuter xonalaridan foydalanish uchun barcha sharoitlar yaratib berildi.
