“TerDU xabarlari” jurnalining yangi soni chop etildi!
🟢Ilm-fan — yangi g‘oyalar, ilmiy izlanishlar va amaliy natijalar uyg‘unligi! Termiz davlat universitetining “TerDU xabarlari” ilmiy-uslubiy jurnalining №3/2026-soni nashrdan chiqdi. Jurnalning navbatdagi sonidan biologiya, kimyo, ekologiya, qishloq xo‘jaligi, materialshunoslik hamda pedagogika yo‘nalishlaridagi 16 ta ilmiy maqola o‘rin olgan.
🟢Tadqiqotlarda zamonaviy ilmiy yondashuvlar asosida tabiiy resurslardan oqilona foydalanish, yangi materiallar yaratish, atrof-muhitni muhofaza qilish va amaliy fan rivoji bilan bog‘liq dolzarb masalalar yoritilgan. 🟢 Jumladan, maqolalardan birida “Surxondaryo viloyatining dorivor o‘simliklari va ulardan oqilona foydalanish” masalasi tadqiq etilib, hududning biologik xilma-xilligidan samarali foydalanish imkoniyatlariga e’tibor qaratiladi. 🟢Yana bir tadqiqotda esa “resurs tejamkor sug‘orish sharoitida” g‘o‘za navlarining transpiratsiya jadalligi va suvdan foydalanish samaradorligi o‘rganilgan. 🟢Kimyo yo‘nalishidagi maqolalarda esa nanotuzilishli metall oksidlarini olish, sanoat oqova suvlarini tozalash, CO₂ gazini yutish xossalari, shuningdek, yangi korroziya ingibitorlarini sintez qilish kabi muhim ilmiy masalalar tadqiq etilgan. 🟢 Jurnalning pedagogika yo‘nalishidagi maqolalaridan biri esa “Bo‘lajak tarbiyachining kreativ qobiliyatini rivojlantirish” masalasiga bag‘ishlangan.
🟢“TerDU xabarlari” jurnalining yangi soni universitet olimlari, tadqiqotchilar, doktorantlar, professor-o‘qituvchilar hamda ilm-fanga qiziquvchi mutaxassislar uchun muhim ilmiy manba bo‘lib xizmat qiladi.
Elektron shakli: https://heyzine.com/flip-book/46901c35d1.html
Ma’lumot uchun: “TerDU xabarlari” jurnali Kimyo, Biologiya hamda Pedagogika fanlari bo‘yicha PhD va DSc dissertatsiyalari yuzasidan ilmiy natijalarni chop etish tavsiya etilgan milliy ilmiy nashrlar ro‘yxatiga kiritilgan.
