Shu kunlarda Xitoyning Pekin shahrida Oʻzbekiston–Xitoy taʼlim forumi doirasida ikki davlatning yetakchi oliy taʼlim muassasalari rektorlari ishtirokida ikki tomonlama hamkorlik uchrashuvlari boʻlib oʻtmoqda.
A.Toshqulov rahbarligidagi TerDU delegatsiyasi ham mazkur forum doirasida Xitoyning qator nufuzli oliy taʼlim muassasalari rahbarlari bilan oʻzaro hamkorlik muzokaralarini oʻtkazib kelmoqda.
Shu jumladan forum doirasidagi uchrashuvlarda Termiz davlat universiteti va Shimoli-G'arbiy universiteti oʻrtasida yangidan tuzilgan memorandumda talabalar va professor-oʻqituvchilar almashinuvi, malaka oshirish hamda qisqa va uzoq muddatli stajirovkalar, xususan, qishki va yozgi lager loyihasini yoʻlga qoʻyish, tadqiqotlar olib borish ham oʻz aksini topgan.
Maʼlumot oʻrnida: Oʻzaro istiqbolli hamkorlikka asoslangan ushbu tadbirlarda Xitoy va Oʻzbekiston oliy taʼlim muassasalari oʻrtasida turli yoʻnalishlar boʻyicha 70 dan ortiq kelishuvlarga erishildi.
