Termiz davlat universiteti rektori huzurida ta’lim jarayonlarini zamonaviylashtirish va talabalar uchun qulay raqamli muhit yaratishga qaratilgan 2 ta innovatsion loyiha taqdimoti o‘tkazildi.
Taqdimot davomida “TerDU Student Card” va “USTOZ24” loyihalarining mazmun-mohiyati, imkoniyatlari hamda ularni amaliyotga joriy etish istiqbollari muhokama qilindi.
“TerDU Student Card” — talabaning ID, QR/NFC, HEMIS, davomat, kutubxona, TTJ, to‘lov, transport hamda hamkor tashkilotlardagi chegirmalarni yagona raqamli ekotizimga birlashtirishga qaratilgan loyiha.
“USTOZ24” — o‘quvchi, talaba va boshqa foydalanuvchilarni malakali talabalar, magistrantlar, professor-o‘qituvchilar hamda soha ekspertlari bilan bog‘lovchi zamonaviy ta’lim xizmatlari platformasi.
Mazkur loyihalar TerDUda raqamli transformatsiyani jadallashtirish, ta’lim xizmatlari sifatini oshirish va talabalar uchun yangi imkoniyatlar yaratishga xizmat qiladi.
