Oʻzbekiston Respublikasi Vazirlar Mahkamasi huzuridagi Taʼlim muassasalariga oʻqishga qabul qilish boʻyicha Davlat komissiyasining 2021-yil 15-dekabrdagi 10-sonli qaroriga muvofiq 2021/2022-oʻquv yilida oliy taʼlim muassasalari bakalavriati va magistraturasiga toʻlov-kontrakt, shu jumladan, tabaqalashtirilgan toʻlov-kontrakt asosida talabalikka tavsiya etilgan abituriyentlar, oʻqishi koʻchirilgan (koʻchirib tiklangan) va qayta tiklangan talabalar oʻqishi uchun toʻlov summasini (kamida 50%) oʻtkazish hamda talabalar safiga qabul qilishni rasmiylashtirishning soʻnggi muddati 2021-yilning 31-dekabri etib belgilandi.
Koronavirus infeksiyasiga qarshi 2021-yilning 15-noyabriga qadar toʻliq emlangan (vaksina olgan), lekin emlanganlik toʻgʻrisidagi sertifikatni belgilangan muddatdan kechikib oliy taʼlim muassasasiga taqdim etgan (etayotgan) abituriyentlar va talabalarga toʻlov-kontrakt summasini toʻlashda bir martalik 10 foizli chegirmani qoʻllashga ruxsat berildi.
Termiz davlat universiteti to‘lov-kontrakt shartnoma shartlarining 50% ini amalga oshirgan abituriyentlarni talabalar safiga qabul qilishni rasmiylashtirishning so‘ngi muddati 31 dekabr kuni etib belgilanligini ma’lum qiladi va to‘lov-shartnoma shartlarini 31 dekabr sanasidan keyin amalga oshirgan abituriyentlarni talabalar safiga qabul qilish bo‘yicha rasmiylashtirishni amalga oshirmasligini eslatib o’tadi.
