TDYU huzuridagi akademik litseydan yo‘llanma olgan bitiruvchilarni o‘qishga qabul qilishda suhbat o‘tkazish tartibi, baholash mezonlari va savollar ro‘yxati.
Yakka tartibdagi suhbat har yili 10 – 25-iyul kunlari suhbat komissiyasi tomonidan o‘tkaziladi. Shuningdek, yakka tartibdagi suhbat o‘tkazilgunga qadar abituriyentlar uchun qabul komissiyasi raisi tomonidan tasdiqlangan jadval asosida maslahatlar tashkil etiladi.
Yakka tartibdagi suhbat TerDUdagi ta’lim tillarida o‘tkaziladi. Abituriyentlar yakka tartibdagi suhbatdan o‘tishlari uchun navbat bilan kiritiladi. Yakka tartibdagi suhbatga abituriyent biometrik pasporti (identifikatsiya ID-kartasi) bilan tashrif buyuradi.
Abituriyentning yakka tartibdagi suhbatga uyali telefon va boshqa aloqa va telekommunikatsiya vositalari, lug‘at, kitob va shpargalkalar olib kirishi, ulardan foydalanishi yoki ularni boshqa abituriyentga berishi, shuningdek, boshqa abituriyentga yordam berishi qat’iyan taqiqlanadi.
Bitta abituriyent bilan yakka tartibdagi suhbat 30 daqiqagacha davom etishi mumkin.
Yakka tartibdagi suhbat natijalari 100 ballik tizimda ballar qo‘yish yo‘li bilan baholanadi.
Bunda:
|
T/r |
Yakka suhbat mezonlari |
Maksimal ball |
|
|
1. |
Akademik litseylar dasturlari doirasida huquqiy fanlar bo‘yicha bilim saviyasi va o‘zlashtirish darajasi |
25 |
|
|
2. |
Yuridik mutaxassislikni tanlashdagi motivatsiyasi (yuridik mutaxassislikning mohiyati va ijtimoiy ahamiyatini tushunishi hamda unga doimiy qiziqishi) |
25 |
|
|
3. |
Nutq madaniyatining shakllanganligi, o‘z fikrini ravon ifoda etishi va tanqidiy fikrlash salohiyatiga egaligi |
25 |
|
|
4. |
Umumiy dunyoqarashning shakllanganligi, muntazam ravishda o‘z ustida ishlashi va ijodkorlik qobiliyati |
25 |
Yakka tartibdagi suhbat natijalari suhbat jarayoni yakunlangandan so‘ng bir ish kuni ichida oliy ta’lim tashkilotlari rasmiy veb-saytlari va ijtimoiy tarmoqlarda e’lon qilinadi. Abituriyentlar o‘qishga quyidagi hollarda qabul qilinmaydi:
jadval bo‘yicha yakka tartibdagi suhbatga kelmaganda (0 ball qo‘yiladi);
yakka tartibdagi suhbatda belgilangan maksimal ballning 56 foizi va undan kam ball to‘planganda.
Abituriyentlarni qabul qilish uchun yakka tartibdagi suhbatni qayta o‘tkazishga yo‘l qo‘yilmaydi.
