9-may — Xotira va qadrlash kuni munosabati bilan Termizda teatr premerasi o'tkaziladi
Surxondaryo viloyati aholisi va mehmonlari diqqatiga!
Xotira va qadrlash kuni munosabati bilan Termiz davlat universiteti tomonidan yurtimiz ahli uchun ma’naviy tuhfa tayyorlandi.
Bugun, 9-may kuni, soat 16:00 da, Termiz shahridagi San’at saroyida Qirg‘iz hamda jahon adabiyotining taniqli namoyondasi Chingiz Aytmatovning "Momo Yer" asari asosida sahnalashtirilgan spektakl tomoshabinlarga taqdim etiladi.
Ushbu teatr asari insonparvarlik, ona zaminga muhabbat va insoniylik g‘oyalarini o‘zida mujassam etgan bo‘lib, bayram kunlarida yurtdoshlarimizni ma’naviy ozuqa va chuqur taassurotlar bilan boyitishga xizmat qiladi.
Barcha yurtdoshlarimizni oila a’zolari bilan birga ushbu spektakl premerasi tomoshasiga taklif etamiz.
