Kasbiy ta’lim muassasalarining chet tili o‘qituvchilari diqqatiga! Bugun oxirgi kun!
Prezident qaroriga asosan Migratsiya agentligi tomonidan kasbiy ta’lim muassasalari va kasbiy ko‘nikmalar markazlarida (monomarkazlar) faoliyat yuritayotgan chet tili o‘qituvchilarining reytingi tuziladi.
Reytingda eng ko‘p ball olgan 50 ta o‘qituvchiga 50 million so‘m miqdorida bir martalik subsidiya beriladi.
Buning uchun Yagona interaktiv davlat xizmatlari portalida joriy yil 25-fevralga qadar ro‘yxatdan o‘tib, o‘zingiz va ingliz, koreys, nemis hamda yapon tillari bo‘yicha kamida B1 yoki unga tenglashtirilgan darajadagi xalqaro sertifikat olgan bitiruvchilaringiz haqida ma’lumotni kiriting.
Ro‘yxatdan o‘tish uchun: https://my.gov.uz/oz/service/1194
Ma’lumot uchun, xalqaro sertifikatlarni qo‘lga kiritgan o‘quvchilar soniga qarab chet tili o‘qituvchilari reytingi tuziladi.
Murojaat uchun: Migratsiya agentligi +998 71-202-33-55 (ichki raqam 32)
