2023-yil 4-chorak uchun oliy taʼlimdan keyingi taʼlimning shakllaridan biri mustaqil izlanuvchilikka onlayn hujjatlar topshirish boshlanmoqda.
Hujjatlar joriy yil 15-iyuldan 15-avgustga qadar Yagona elektron tizimi (phd.mininnovation.uz) orqali qabul qilinadi.
Mustaqil izlanuvchilik – falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajalariga talabgorlar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi boʻyicha oliy taʼlimdan keyingi taʼlim shakli.
Maʼlumot uchun, hujjatlar taʼlim tashkilotlari tomonidan koʻrib chiqilib, qabul qilinadi yoki rad etiladi. Bunda yuqorida belgilangan muddatlarda talabgorlarning hujjatlari kiritilishi lozim.
