Termiz davlat universitetining “Surxon yoshlari” jamoasi “Quvnoqlar va zukkolar” ko‘rik-tanlovi VOHA LIGASI–2026 mavsumining FINAL bosqichida munosib ishtirok etib, faxrli 1-o‘rinni qo‘lga kiritdi!
Bu g‘alaba nafaqat jamoaning sahnadagi mahorati, topqirligi va betakror hazillarining, balki Termiz davlat universiteti yoshlarining iqtidori, salohiyati va birligining yana bir yorqin namoyoniga aylandi.
🥇 1-o‘rin — Termiz davlat universiteti “Surxon yoshlari” jamoasi
🥈 2-o‘rin — Jizzax davlat pedagogika universitetining “Jizzaxlik jo‘ralar” jamoasi
🥉 3-o‘rin — Urganch Ranch texnologiya universitetining “Ranch yoshlari” jamoasi
Sahna zabt etildi, tomoshabinlar qalbi fath qilindi va eng muhimi — Surxon yoshlari yana bir bor o‘zining kuchli ekanligini isbotladi!
.jpg)
Termiz davlat universiteti jamoasi nomidan g‘oliblarni samimiy muborakbod etamiz va kelgusi tanlovlarda ham ulkan zafarlar tilaymiz.
Surxon yoshlari — iste’dod, zakovat va g‘alabaning timsoli!
Voha ligasi kubogi endi Termiz davlat universitetida!
