TerDUda bitiruvchi talabalar uchun eng muhim va mas’uliyatli jarayonlardan biri — Yakuniy davlat attestatsiyasi hamda Bitiruv malakaviy ishlari (BMI) himoyalari yuqori saviyada tashkil etilmoqda.
🟢Ayni kunlarda universitetning barcha fakultetlarida bitiruvchilar o‘z bilim va salohiyatlarini namoyon etib, kelajakdagi kasbiy faoliyatlari uchun muhim sinovlardan o‘tishmoqda.
➡️Jumladan, Kimyo fakultetida kunduzgi ta’lim shakli bo‘yicha 57 nafar talaba davlat attestatsiya imtihonlarini topshirayotgan bo‘lsa, 29 nafar bitiruvchi o‘zining Bitiruv malakaviy ishini himoya qilmoqda.
➡️Shuningdek, bugundan sirtqi ta’lim shakli bitiruvchilarining ham Yakuniy davlat attestatsiyalari boshlandi. Tabiiy fanlar fakultetida:
🟢 60510100 – Biologiya (turlari bo‘yicha) ta’lim yo‘nalishi bo‘yicha 73 nafar;
🟢 60530400 – Geografiya ta’lim yo‘nalishi bo‘yicha 39 nafar;
🟢60510100 – Biologiya (turlari bo‘yicha) (2-OTM) yo‘nalishi bo‘yicha 54 nafar bitiruvchi Yakuniy davlat attestatsiyalarida ishtirok etmoqda.
✔️Bu sinovlar talabalarning yillar davomida egallagan bilim va ko‘nikmalarini amalda namoyon etish, o‘z mutaxassisligi bo‘yicha yetuk kadr sifatida shakllanganini tasdiqlashga xizmat qiladi.
✨Barcha bitiruvchilarimizga mas’uliyatli sinovlarda omad, yuksak natijalar va kelgusi faoliyatlarida ulkan muvaffaqiyatlar tilaymiz!
