Respublikamiz bo‘ylab “Xalqaro chiqindisiz dunyo uchun” kuni munosabati bilan yirik eko-aksiya bo‘lib o‘tdi. “Chiqindisiz dunyo uchun!” shiori ostida tashkil etilgan ushbu tadbirda atrof-muhitni tozalash va chiqindilarni saralashga katta e’tibor qaratildi.
Surxondaryo viloyati ham eko-harakatdan chetda qolmadi! Termiz shahrida o‘tkazilgan “Plogging” eko-aksiyasida Ekologiya boshqarmasi, Yoshlar ishlari agentligi, Termiz davlat universitetining “Ekovolontyor” talabalari faol ishtirok etishdi.
Surxondaryo volontyorlari ham o‘z hissasini qo‘shib, hududlarni chiqindilardan tozalashda jonbozlik ko‘rsatishdi. Ushbu aksiya nafaqat tabiatni asrashga, balki jamiyatda ekologik madaniyatni oshirishga ham xizmat qiladi.
Tabiatni asrash o‘z qo‘limizda!
Toza muhit – sog‘lom kelajak!
Keling, tabiatga mehr bilan yondashaylik va chiqindisiz kelajak sari harakat qilaylik!
