Xalqimizning asrlar davomida saqlanib kelayotgan ezgu fazilatlaridan biri hashar hisoblanadi. Uning zamirida Vatanni sevish, yurtni obod etish, farovon turmush barpo etishga intilish mujassam.
Ana shu, maqsadda TerDU.Tabiiy fanlar fakulteti Ekovolontorlari tashabbusi bilan Oʻzbekiston Ekologik partiyasi Surxondaryo viloyat Kengashi bilan hamkorlikda Termiz tumanida joylashgan ʼʼSulton Saodatʼʼ ziyoratgohida xayriya hashari oʻtkazildi.
Unda viloyat Kengashi hodimlari, hamda ekovolontyor yoshlar ishtirok etishdi. Hashar davomida ariqlar tozalanib, daraxtlar oqlandi. Gul ko‘chatlarining taglari yumshatildi va ziyoratgoh hududi boʻylab keng koʻlamli obodonlashtirish va koʻkalamzorlashtirish ishlari olib borildi.
Mazkur tadbir oʻzaro hamjihatlik va uyushqoqlik bilan tashkil etildi.
