Termiz davlat universiteti Yuridik fakulteti jamoasi hamda Jayhun mahallasi hamkorligida Respublikamiz boʻylab keng koʻlamda oʻtkazilayotgan “Mahallani chiqindidan xoli hududga aylantiramiz” shiori ostidagi umumxalq aksiyasida faol ishtirok etmoqda.
Bu kabi tashabbus yurtimiz hududlarini yanada toza, obod va sogʻlom maskanlarga aylantirishga xizmat qilmoqda. Tadbir davomida mahalla hududlarida yigʻilib qolgan chiqindilar tartib bilan yigʻishtirildi, yashil hududlarga alohida eʼtibor qaratildi hamda aholi oʻrtasida ekologik madaniyatni oshirishga qaratilgan targʻibot ishlari olib borildi.
Bunday ezgu ishlar nafaqat atrof-muhitni asrash, balki yoshlar orasida tabiatga eʼtibor va masʼuliyat tuygʻusini kuchaytirishda muhim ahamiyat kasb etadi.
