Toshkent shahrida marhum Uchqun Murodov xotirasiga bag‘ishlab o‘tkazilgan Cadet and Junior Asian Cup Tashkent 2026 musobaqasi yakunlandi.
Musobaqada O‘zbekiston yoshlar terma jamoasi 9 ta oltin, 9 ta kumush va 15 ta bronza, jami 33 ta medal bilan umumjamoa hisobida birinchi o‘rinni egalladi. Kuchli uchlikdan Qirg‘iz Respublikasi va Tojikiston terma jamoalari ham joy oldi.
Mazkur muvaffaqiyatda Termiz davlat universiteti talabasi Iskandar Mamayusupovning ham munosib hissasi bor. U yoshlar o‘rtasidagi +100 kg vazn toifasida finalga qadar yetib borib, kumush medalni qo‘lga kiritdi hamda terma jamoamizning umumiy g‘alabasiga o‘z ulushini qo‘shdi.
Termiz davlat universiteti jamoasi Iskandar Mamayusupovni ushbu yutuq bilan samimiy tabriklaydi va kelgusidagi musobaqalarda yanada ulkan zafarlar tilaydi!
