➡️Termiz davlat universiteti Fizika ta’lim yo‘nalishi 3-kurs talabalari ustozlari hamrohligida “To‘polang” gidroelektrostansiyasiga tashrif buyurib, energetika sohasidagi nazariy bilimlarini amaliyot bilan mustahkamlashdi.
➡️Tashrif davomida talabalar GES faoliyati, gidroturbinalar va generatorlarning ishlash jarayoni bilan yaqindan tanishishdi. Shuningdek, stansiyaning kuzatuv xonasi hamda avtomatlashtirilgan boshqaruv tizimlari haqida ma’lumot olishdi.
➡️“To‘polang” GES rahbariyati bilan tashkil etilgan uchrashuvda stansiyaning tarixi, bugungi faoliyati va kelajakdagi loyihalari haqida suhbat o‘tkazildi. Talabalar o‘zlarini qiziqtirgan savollarga ham batafsil javob oldilar.
➡️ Bunday amaliy tashriflar talabalar bilimini mustahkamlash va ularni kelajak kasbiga yaqindan tayyorlashda muhim ahamiyat kasb etadi.
