Oliy ta’lim, fan va innovatsiyalar vazirligida “Mirzo Ulug‘bek vorislari” Respublika tanlovining final bosqichi g‘oliblarini taqdirlash marosimi bo‘lib o‘tdi.
Quvonarlisi, g‘oliblar safidan Termiz davlat universiteti Kimyo fakulteti talabalari — Lola Sharifova va Mirjalol Tojiyev ham joy oldi. Ular o‘zlarining kreativ va innovatsion g‘oyalari bilan Respublika bosqichi g‘olibiga aylanishdi.
G‘oliblarga 8 million 240 ming so‘m miqdoridagi pul mukofoti, statuetka hamda esdalik sovg‘alari topshirildi.
TerDU jamoasi nomidan iqtidorli talabalarimizni hamda ularning ilmiy rahbari, Kimyo fakulteti dekani Bahodir Xolnazarovni ushbu yutuq bilan samimiy tabriklaymiz!
Yosh olimlarimizga kelgusidagi ilmiy faoliyatida yanada ulkan muvaffaqiyat va yuksak marralar tilaymiz!
