"Yosh kitobxon" respublika tanlovining final bosqichida 20–30 yosh toifasi bo‘yicha g‘oliblar nomi e’lon qilindi.
Quvonarlisi, mazkur nufuzli tanlovda Surxondaryo viloyati Uzun tumanidagi 34-maktabning ona tili va adabiyoti fani o‘qituvchisi, TerDU talabasi Fazilat Diyorova munosib ishtirok etib, faxrli 1-o‘rinni egalladi.
Kitobxonlik, bilim va yuksak tafakkur borasidagi salohiyatini namoyon etgan g‘oliba Prezident sovg‘asi — “BYD Chazor” elektromobili bilan taqdirlandi.
Mazkur yutuq nafaqat Uzun tumani, balki butun Surxondaryo yoshlari uchun ham ilm-ma’rifat yo‘lidagi katta rag‘bat va ilhom manbai bo‘ldi.
Fazilat Diyorovani ushbu yuksak muvaffaqiyat bilan samimiy muborakbod etamiz hamda kelgusi faoliyatida yanada ulkan zafarlar tilaymiz!
