Surxondaryo viloyati Ekologiya va iqlim o‘zgarishi bosh boshqarmasi hamda viloyatdagi oliy ta’lim muassasalari hamkorligida “Eko zakovat” ko‘rik tanlovi tashkil etildi.
Tanlovda viloyatdagi 6 ta oliy ta’lim muassasasidan jamoalar ishtirok etib, ekologiya, atrof-muhit muhofazasi va yashil iqtisodiyot yo‘nalishlarida bilimlarini sinovdan o‘tkazdilar.
Qizg‘in va murosasiz bahslarga boy o‘tgan bellashuv yakunida Termiz davlat universiteti jamoasi faxrli 1-o‘rinni qo‘lga kiritdi. G‘olib jamoa 6–10-iyun kunlari Samarqand shahrida bo‘lib o‘tadigan ko‘rik-tanlovning respublika hamda xalqaro bosqichida ishtirok etadi.
