18–20-may kunlari Termiz davlat universiteti mezbonligida o‘tkazilgan “Talabalar ligasi” sport musobaqalarining kurash turi bo‘yicha Respublika final bosqichi yakunlandi.
Nufuzli musobaqada yurtimizning 14 ta hududidan jami 260 nafar sportchi-talaba va murabbiylar ishtirok etib, g‘oliblik uchun murosasiz bahs olib bordilar.
Yakuniy natijalarga ko‘ra, umumjamoa hisobida:
🥇 1-o‘rin — Termiz davlat universiteti — 5 ta oltin va 2 ta bronza medal bilan mutlaq g‘olib bo‘ldi;
🥈 2-o‘rin — Qoraqalpog‘iston davlat universiteti — 2 ta oltin, 2 ta kumush va 5 ta bronza medal;
🥉 3-o‘rin — Jizzax davlat pedagogika universiteti — 2 ta oltin va 1 ta kumush medal;
🥉 3-o‘rin — Navoiy davlat universiteti — 2 ta oltin va 1 ta bronza medalni qo‘lga kiritdi.
Musobaqa davomida yuqori mahorat, matonat va sport ruhini namoyon etgan barcha ishtirokchilar munosib taqdirlandi.
