Bugun, Termiz davlat universitetiga Xitoyning nufuzli Tzyansu universiteti delegatsiyasi tashrif buyurdi. TerDU rektori A. Toshqulov hamda prorektor va fakultet dekanlari ishtirokida uchrashuv bo‘lib o‘tdi.
Muzokaralarda Lingvistika (ingliz tili) yo‘nalishidagi mavjud 1+1 magistratura dasturining muvaffaqiyatli natijalari e’tirof etilib, hamkorlik ko‘lamini kengaytirish bo‘yicha quyidagi muhim masalalar muhokama qilindi. Qo‘shma dasturlar: 1+1 magistratura modelini boshqa yo‘nalishlarga kengaytirish va ikkita diplom berishni nazarda tutuvchi 2+2 bakalavriat tizimini yo‘lga qo‘yish belgilandi. Strategik loyiha: TerDU hududida Xitoy ta’lim standartlari va ilmiy tadqiqotlari bo‘yicha mintaqaviy xabga aylanuvchi Tzyansu universiteti institutini tashkil etish masalasi ko‘rib chiqildi.
Maʼlumot oʻrnida, Tzyansu universiteti QS xalqaro reytingida fanlar yoʻnalishi boʻyicha dunyoning Top-500 oliygohlari qatoridan joy olgan.
Tashrif yakunida tomonlar yangi istiqbolli loyihalarni amalga oshirish bo‘yicha kelishuvlarni imzoladilar. Mehmonlar universitetning ilmiy laboratoriyalari va kampusidagi sharoitlarni yuqori baholadilar.
