Termiz davlat universitetida Fizika-matematika fakulteti tashabbusi bilan “Eko-pedagogika va tejamkorlik g‘oyalari” mavzusida “Uch avlod uchrashuvi” bo‘lib o‘tdi.
Tadbir Ikkinchi jahon urushi qatnashchisi, marhum Jumanazar Qobilov tavalludining 125 yilligiga bag‘ishlanib, uch avlod vakillarini bir davrada jam etdi.
Uchrashuvda marhumning farzandi, faxriy ustoz Abdumalik Jumanazarov o‘zining boy pedagogik tajribasi, hayot sinovlari va matonati haqida so‘zlab, yoshlarga qimmatli saboqlar berdi.
Mazkur uchrashuv yoshlarda ustozlarga hurmat, tarixga ehtirom va Vatanga sadoqat tuyg‘ularini mustahkamlashda muhim ahamiyat kasb etdi.
