Ayni kunlarda Boysun bahori festivali yuqori kayfiyat va ko‘tarinki ruhda davom etmoqda. Festival doirasida rang-barang ko‘rgazmalar, sport musobaqalari hamda konsert dasturlari tashkil etilib, ishtirokchilarga unutilmas taassurotlar ulashmoqda.
Termiz davlat universitetining ko‘plab talabalari ushbu nufuzli tadbirning yuqori saviyada o‘tishini ta’minlashda faol ishtirok etib, o‘z hissalarini qo‘shmoqdalar.
Shuningdek, universitet rektorining ko‘rsatmasiga asosan ishchi-xodimlar uchun ham festival o‘tkazilayotgan hududga madaniy sayohat tashkil etildi. Bu esa jamoa a’zolarining mazmunli hordiq chiqarishi hamda milliy qadriyatlarimiz bilan yanada yaqindan tanishishiga xizmat qilmoqda.
Boysun bahori — milliy an’analar, boy madaniyat va birlik timsolidir!
