“Boysun bahori” festivali doirasida viloyat OTMlari o‘rtasida o‘tkazilgan “Alpiniada” sport musobaqasida Termiz davlat universiteti jamoasi yuqori natijalarni qayd etib, faxrli o‘rinlarni egalladi.
Viloyat hokimligi tashabbusi, viloyat Favqulodda vaziyatlar boshqarmasi hamda viloyat sport boshqarmasi hamkorligida tashkil etilgan ushbu musobaqada viloyatimizdagi barcha OTM talabalari ishtirok etdi. Yakuniy natijalarga ko‘ra, TerDU jamoasi umumjamoa hisobida 1-o‘rinni qo‘lga kiritdi.
Musobaqa 3 ta shart asosida o‘tkazildi:
• Maxsus uskunalarni normativlar asosida tayyorlash
• Kompas orqali yo‘nalishni aniqlash
• Belgilangan yo‘nalish bo‘ylab vaqt asosida harakatlanib, chiqish va tushish.
TerDU jamoasini ushbu yorqin g‘alaba bilan samimiy tabriklaymiz hamda kelgusi musobaqalarda yanada ulkan zafarlar tilaymiz!
