Termiz davlat universiteti UI Greenmetric reytingi rahbariyati bilan uchrashdi
Kecha universitetimiz Tojikiston Respublikasining Dushanbe shahrida o‘tkazilgan UI GreenMetric xalqaro konferensiyasida “Green. Digital. Smart” mavzusi doirasida munosib ishtirok etdi. Mazkur nufuzli tadbirda barqaror rivojlanish, raqamlashtirish va “yashil” transformatsiya masalalari muhokama qilindi.
Shuningdek, konferensiya doirasida UI GreenMetric reytingi direktori Dr. Vishnu Juwono hamda direktor o‘rinbosari Dr. Abellia Anggi Wardani bilan uchrashuv bo‘lib o‘tdi. Muzokaralar davomida kelgusida Termiz davlat universitetida xalqaro forum va workshoplar tashkil etish yuzasidan muhim kelishuvlarga erishildi.
Mazkur hamkorlik universitetimizning xalqaro reytinglardagi o‘rnini mustahkamlash va zamonaviy ekologik hamda raqamli tashabbuslarni rivojlantirishda muhim qadam bo‘ladi.
