Yerevan shahrida o‘tkazilgan sambo bo‘yicha ko‘zi ojiz sportchilar (S-1 yo‘nalishi) o‘rtasidagi Jahon kubogi bahslari yana bir talabamizning nomini tarixga muhrladi.
Xalqaro maydonda O‘zbekiston sharafini himoya qilgan sportchilar safida Termiz davlat universiteti talabasi Abdurahmon Isokjon ham bor edi.
U keskin va murosasiz bellashuvlarda o‘zining matonati va kuchini namoyon etib, faxrli II-o‘rinni qo‘lga kiritdi!
Bu — oddiy g‘alaba emas!
Bu — irodaning sinovi!
Bu — cheksiz mehnatning mevasi!
Termiz davlat universiteti jamoasi Abdurahmon Isokjonni ushbu yuksak yutuq bilan muborakbod etadi va kelgusida undan yanada yirik zafarlar kutadi.
