Termiz davlat universiteti Yuridik fakulteti o‘qituvchilari tomonidan yurisprudensiya yo‘nalishi kechki ta’lim shaklida tahsil olayotgan talabalar uchun “Davlat va huquq tarixi” fanidan sayyor dars tashkil etildi.
Mashg‘ulot Termiz shahar Ichki ishlar boshqarmasida “Ichki ishlar tizimida yuridik mutaxassislarning tutgan o‘rni” mavzusida bo‘lib o‘tdi.
Dars davomida talabalar nazariy bilimlarini amaliyot bilan bog‘lab, ichki ishlar tizimida yuridik mutaxassislarning o‘rni, ularning qonun ustuvorligini ta’minlash, huquqbuzarliklarning oldini olish hamda fuqarolar huquqlarini himoya qilishdagi ahamiyati haqida batafsil ma’lumot oldilar.
Shuningdek, dars yakunida IIB tizimida foydalaniladigan maxsus vositalar ko‘rgazmasi ham tashkil etildi.
