Pekin shahridagi Beijing City University yozgi maktab dasturi talabalarimiz orasida katta qiziqish uyg‘otdi. 14 kunlik ushbu grant dasturida qatnashish uchun saralash suhbati yakunlandi.
Qisqacha ma’lumot:
Jami ishtirokchilar: 43 nafar talaba
Kvota: 10 ta o‘rin
Tanlash mezonlari: ingliz tili darajasi, o‘qishdagi natijalar va motivatsiya
Suhbat davomida talabalar o‘z bilimlari bilan birga Xitoy madaniyati va ta’limiga bo‘lgan qiziqishlarini ham ko‘rsatishdi. Har bir nomzodning muloqot qobiliyati ham baholandi.
Keyingi bosqich: Eng yuqori natija ko‘rsatgan 10 nafar talaba tez orada e’lon qilinadi. G‘oliblar yozda Pekinda:
-Buyuk Xitoy devori va tarixiy joylarni ko‘rish
-Xalqaro professorlardan saboq olish
-Turli davlatlardan kelgan yoshlar bilan tanishish imkoniga ega bo‘ladilar
📌 Tanlovdan o‘tganlarga viza va hujjatlar bo‘yicha alohida ko‘rsatmalar beriladi.
