Termiz davlat universitetida 2026-yil 23-mart kuni boshlangan “Ipak yo‘li arxeologiyasi, fan va texnologiyalar hamda madaniy merosni muhofaza qilish bo‘yicha xalqaro trening kursi” o‘z yakuniga yetdi.
Bugun trening so‘ngida xorijiy va mahalliy olimlar, arxeologlar ishtirokida yakuniy yig‘ilish tashkil etildi. Unda ishtirokchilarga sertifikatlar tantanali ravishda topshirildi hamda samimiy ezgu tilaklar bildirildi.
Mazkur trening davomida qatnashchilar arxeologiya sohasidagi zamonaviy ilmiy yondashuvlar, innovatsion texnologiyalar va amaliy tajribalar bilan yaqindan tanishish imkoniyatiga ega bo‘ldilar.
Ushbu xalqaro platforma ilmiy hamkorlikni mustahkamlash, tajriba almashish va kelgusida yangi ilmiy yo‘nalishlarni rivojlantirishda muhim ahamiyat kasb etdi.
