Mazkur tadbirda Yevropa Ittifoqining O'zbekistondagi delegatsiyasi vakili Kun Klassen hamda Toshkentdagi Milliy Erasmus Ofisi eksperti Mahmudjon Utkurov ishtirok etib, dastur imkoniyatlari, xalqaro hamkorlik va talaba-yoshlar uchun yaratilayotgan keng imkoniyatlar haqida batafsil ma’lumot berishdi.
Erasmus+ dasturi taʼlim, oʻquv, yoshlar va sportni qoʻllab-quvvatlovchi xalqaro almashinuv dasturi boʻlib, talabalar va professor-o‘qituvchilarga xorijiy universitetlarda tahsil olish, malaka oshirish hamda tajriba almashish imkonini yaratadi. Ushbu dastur orqali yoshlar nafaqat bilimlarini mustahkamlaydi, balki xalqaro maydonda o‘z salohiyatini namoyon etish imkoniga ega bo‘ladi.
Professor-o'qituvchilar e'tiboriga CBHE loyihalarni yozish va taqdim etish, muddatlar bo'yicha mutaxassislar tomonidan batafsil ma'lumot berildi.
Talabalar esa ICM - xalqaro kredit mobilligi bo'yicha o'z savollariga javob olishdi.
Bitiruvchilar uchun Jean Monnet dasturi taklif etildi.
Universitetimizning Erasmus+ dasturi doirasidagi faoliyati tashrif buyurganlar tomonidan yuqori baholandi.
✔️Erasmus+ dasturlari bo'yicha universitet xalqaro aloqalar bo'limiga murojaat etishingiz mumkin: @SardorRakhmonov_TerSU
