Termiz davlat universitetida O‘zbekiston Respublikasi Adliya vazirligi huzuridagi “Intellektual mulk markazi” vakillari ishtirokida seminar tashkil etildi. Unda mualliflik huquqi obyektlari, ularni deponentlash hamda ixtiro talabnomalariga oid dolzarb masalalar muhokama qilindi.
Seminar davomida intellektual mulk obyektlarini huquqiy himoya qilish va ularni tijoratlashtirish bo‘yicha amaliy tavsiyalar berildi. Tadbir ochiq muloqot tarzida o‘tib, ishtirokchilar o‘zlarini qiziqtirgan savollarga batafsil javob oldilar.
