Termiz davlat universitetida “Turkiya oliy ta’lim tizimi va hamkorlik istiqbollari” mavzusida xalqaro ilmiy seminar bo‘lib o‘tdi.
Unda Turkiyaning Hoji Bayram Vali universiteti professorlari Zaynabidin Abdirashidov va Vali Savash Yelok ishtirok etib, Turkiya va O‘zbekiston o‘rtasidagi ilmiy, adabiy hamda madaniy aloqalar yuzasidan ma’ruzalar qildilar.
Seminar davomida ishtirokchilarga Turkiyada tahsil olish imkoniyatlari, oliy ta’lim tizimi, qabul jarayonlari va ilmiy hamkorlik istiqbollari haqida batafsil ma’lumot berildi.
Mazkur tadbir ikki oliy ta’lim muassasasi o‘rtasidagi hamkorlikni yanada rivojlantirishga xizmat qiladi.
