Termiz davlat universitetida “Birga hayotni saqlaymiz” mavzusida donorlikka bag‘ishlangan yig‘ilish bo‘lib o‘tdi.
Mazkur tadbir yoshlar orasida donorlik madaniyatini shakllantirish, insonparvarlik tuyg‘ularini kuchaytirish hamda sog‘lom turmush tarzini targ‘ib etishga xizmat qildi.
Rektorining xotin-qizlar masalalari bo‘yicha maslahatchisi tashabbusi bilan tashkil etilgan muloqotda malakali shifokorlar va mutaxassislar ishtirok etib, donorlikning inson hayotidagi o‘rni, qon topshirishning foydali jihatlari hamda sog‘lom turmush tarzining ahamiyati haqida atroflicha ma’lumot berdilar.
Shuningdek, tadbir davomida talaba-yoshlar o‘zlarini qiziqtirgan savollarga javob olib, donorlikka bo‘lgan qiziqishlarini yanada oshirdilar.
